Naghihintay na Mapansin Mo

Nakatayo at nakatulala sa inyong paglalaro
Sabi mo noon ay tama na subalit heto na naman tayo
Pipilitin mong basahin ang malikot n'yang puso
Sa pag-asang mag-isa mong matatagpuan ang pangalan mo
Subalit hindi alam mo naman di ba?
Na naroon pa rin ang huling babae na minahal n'ya bago ka
Nandoon pa rin ang matatamis nilang ala-ala
Na pinipilit mong pawiin subalit nakaukit sila
Kaya't gamit ang natitira mong saplot ay pilit siyang pinipiringan
Na parang kabayo ng henete sa karerang walang patutunguhan
Nilulunod mo siya sa pagmamahal na hindi karapat-dapat sa kanya
Habang patuloy mong nilalason ang sarili mo sa pantasyang may pag-asa
Subalit manhid siya sa pagmamahal mong hanggang kumot lang at kobre-kama
Bulag siya sa mga panahong sinasayang mo mapaclingkuran lang siya
Uhaw siya subalit hindi ikaw ang tubig na gusto ng kanyang lalamunan
Siguro ay hinihintay ka lang rin niyang matauhan
At sa paghalik ng dilim sa lupa tayo ay maghihiwa-hiwalay
Babalik s'ya sa apoy na selda ng kanyang nakaraan
Ikaw nama'y mag-iipon ng lakas para bukas ang pagpapantasya mo'y hindi mamatay
At ako? Alam kong bukas maghihintay muli akong ikaw ay masaktan
Kasi baka doon mo lang mapapansin ang isang tulad ko
Kasi baka kailangan mo lang masugatan para may mapaghilom ako
O baka kasi sa dulo ganito na talaga tayo
Mahal kita, mahal mo siya pero hindi ikaw ang mahal n'ya sobrang gulo!

Ayaw ko na

By: vhanfire

Laman ka lagi ng isip ko
Ngunit ayaw ko na
Ikaw lagi ang hanap
Ngunit ayaw ko na
Ikaw pa rin kasi ang aking mundo
Kahit ayaw ko na
Palagi pa rin kitang pinapangarap
Kahit ayaw ko na
Ito ay dulot ng mga iniwan mong ala-ala
Na ayaw ko na
Ang paraisong sa akin ay dati mong ipinakita
Na ayaw ko na
Kayat matagal tagal na rin akong nalulumbay
Ayaw ko na
Hanggang kailan malukungkot at maghihintay?
Ayaw ko na
Susubukan na siguro kitang kalimutan
Ititigil ko na itong kahibangan
Pipiliting alisin ang nararamdaman
Pero parang ayaw ko pa
😢

Maling Panahon

by: vhanfire

Hindi ito ang panahon para sa ating dalawa
Hindi ito ang panahon para ibigin ka
Batid kong ang puso mo ay mayroong iba
Ngunit bakit nga ba hindi na lang ako s'ya?

Tinatanong ko rin kung sinong dapat sisihin
O kung may dapat ba o 'wag na lang sagutin
Pagkat sa huli ay tayo at tayo pa rin
Ang dapat magtakda, ang dapat tanungin

Kung sakali mang pagsuyo'y lumaon
Dili kaya'y mamatay, sa limot mabaon
Nais kong sambitin ito sa iyo ngayon
Masaya akong umiibig sa iyo sa maling panahon.

Buti na lang

Mabuti pa siguro kung 'di kita nakilala

Sana'y hindi ako nagseselos

Sana'y hindi ako nasasaktan

Sana'y hindi ako naguguluhan

Sana'y wala ako sa sitwasyong ito

Na panggulo ako sa inyo

Na ako'y pampalit mo

Sa tuwing wala s'ya

Sa tuwing tayo lang dalawa

Mabuti pa siguro kung hindi kita nakilala

Sana'y hindi ka naguguluhan

Sana'y hindikayo nagkakasakitan

Sana'y hindi mo siya pinagtataksilan

Sana'y masaya kayo

Na pinagsasaluhan ang pag-ibig n'yo

At ang bukas n'yo'y magkasamang pinaplano

Mabuti pa siguro kung hindi kita nakilala

Hindi sana ako madadala sa mga biro mong

alam ko namang pang-alo lang sa panibugho

Hindi sana ako aasa pa

Na magiging tayong dalawa

Hindi sana sa'yo inalay ang awitin

Ng lalamunang sintunado't mapausin

Hindi mo sana kayang kilitiin ang puso

At palundagin ito sa pagsambit lamang ng pangalan ko

Kung hindi siguro kita nakilala

Wala ang tulang ito,

Buti na lang nakilala kita

Buti na lang talaga.

Kung

Kung magagawa ko lang diktahan ang puso

Hindi na lang sana ikaw ang iniibig ko

Kung kaya ko lang gawing totoo

Ang lahat ng ibinubuga ng isip ko

Wala sanang luha

Wala sanang sakit

Wala sanang pangungulila

Wala sanang pananabik

Kung mula pa noong una

Hindi na ako nagpadala

Sa pagmamahal na sa puso'y bumuhay

Ngunit ngayo'y unti unti kong pinapatay...

Seasons

Darkness once cuts my eyes
Hearing the saddest goodbye
Watering the hays on spring
Like newly weds couple ring


Forget those passed rain
For clear skies are at the east
Let go of your thousand pains
For you're heading for the best

Today, let your ears hear the song
That deafen you for so long
And let those tears you've given away
Make some rainbow in this brand new day.

Pangarap

Gusto kong laging nakikita ng iyong mga mata
Na nangungusap at sa aki'y sumisinta
Mula sa pagmulat nito sa umaga
Hanggang sa pagpikit kung araw ay papanaw na

Nais kong madama palagi ang iyong mga labi
Na dumarampi, sa aking mga pisngi
Daig pa siguro nito ang pagpupunyagi
Sa batalyang wala namang nasasawi

Nasa kong sa t'wina'y nasa bisig kita
Upang init ng pagsinta ay aking madama
Tila walang katapusang paglaya
ng mga damdaming ubod ng ligaya

Ibig kong ibigin ka tuwina at kailan man
Sayang, kung malaya ka lang
Subali't dahil sa iyo'y may ibang humihirang
Dito na lang ako at kayo'y pagmamasdan...

Hindi ka na Panaginip

Pinilit kong managinip para makita ka
Dahil doon lamang kita nakakasama
Subalit nanaginip akong mag-isa
At kahit saan anino mo'y wala

Pinilit kong iguhit sa isip
Ang kagandahan mong 'di malirip
Subalit natapos ang aking panaginip
Kariktan mo'y 'di man lang nahagip



Tumulo ang luha sa aking mga mata,
Wala na ikaw na sa panaginip ko'y nagpapasaya
Kaya't pinasya ko na lang na gumising
At ang tunay na mundo'y harapin

At sa pagpasok ng mga unang liwanag sa aking mga mata
Isang imahe ang aking nakita
Ang babaeng sa panaginip ko'y naglaho
Nagisngan ko na siya sa tabi ko... :)

_vhanfire

KAGABI

kagabi'y kasiping ka sa kama
nakaakap, nakangiti't masaya
kagabi'y mundo nati'y iisa
tigib pagmamahal pusong sumisinta

kagabi'y ako lang at ikaw
wala sila, o kahit sinong sa oras nati'y numanakaw
kagabi'y nahimlay ako sa piling mo
at natupad lahat ng pangarap ko

kagabi'y hiniling kong manatili na lang sana
ang ganoong katamis na eksena

subalit sa pagtatapos ng kagabi'y muling babangon ako
haharapin ang sikat ng bagong umagang nagsasabing wala ka na

dahil kagabi sa aking pagtulog ay napanaginipan kita
at doon lang' tanging doon lang tayo pwedeng magkasama..

:(