Salamat sa Pagbisita

Ang site na ito ay para sa tagalog na tula (poem). Ang mga nilalaman ng Blog na ito ay purong orihinal na gawa ng may akda. Ano mang isyu hinggil sa mga post ay maaaring idulog sa page na ito. Maraming salamat.

Lunes, Abril 1, 2013

Mukha ng Pagbabago: Mukha Mo

Muli na namang naglipana ang mga mukha ng pagbabago. nakakapit sa pader, puno, mga bahay, at kung saan saan pa. nNaglilibot n rin ang kanilang mga taga sigaw upang ipamalitang kailangan natin sila. Bumabaha na naman ng pamada at pulbos na pampaganda ng imahe ng mga tagapagligtas na ito.

Ilang linggo na lang ang nalalabi sa kanila upang manligaw at mapasagot tayo ng makalansing na OO. Makalansing sa kanilag tenga sapagkat tunog pera. Kaya nga siguro handa rin silang mamudmod ng san damakmak na pera. Ika nga, What you invest, What you get. Isa akong estudyante ng Business Administration, at kapag nakasalubong ko ang salitang investment isa lang salita ang pumapasok sa utak ko, Negosyo.

Negosyo? Si Juan nininegosyo? Sa bagay, hindi na ito bago. Ilang ulit na s'yang naisanla, tinubos, naipagbili, tinubos, naipagkasundo, at tinubos ulit. Walang katapusang panggagamit sa ngalan ng yaman at kapangyarihan. Tumingin ka sa mga nagngising mukha nila, mukhang tila ginaganyak kang sa kanila'y magtiwala, sumama at.... at.... at... makibaka, makibaka para sa pagbabago.

Kung lilimiin, tapat naman sila, sa halos 2 beses kong pagboto sa mga nag-alok ng pagbabago, nagawa naman nila, may nagbago naman talaga.. ang tanong na lang e, Gumanda ba o lalong sumama?

Ngayon ay nakangisi na naman sila sa labas. mabasa man ng ulan o mabilad sa araw, ngisi pa rin.. Ganan talaga, dapat magpapogi ka.

Ilang linggo na lang at magsisimula na naman ang mga pagbabago, ikaw kaninong mukha ang paniniwalaan mo?
Mag-post ng isang Komento