Pangitain

Bulag ang tala at pipi ang gitara
Subalit may kinang at musika
Salamat na lamang at hindi pilay ang letra
Na pinagbubukalan ng ibayong ligaya

Naaalala ka ng aking isip
Gusto kitang dalahin sa aking panaginip
Subalit ang mata ayaw pang umidlip
Malinaw ka pa raw niyang nasisilip

Ang aking panulat ay wala sa tono
Tila iba ang sinasa-ulong ritmo
Banayad ang byaheng ninanasa ko
Subalit sumasabay s'ya sa pintig ng puso

Hayaan nawa niya itong kalinsilan
Na dulot naring aking kahangalan
Papangarapin kita sa upuan at unan
Kahit sikat ang araw o nagyeyelo ang buwan