visitor analyticsvisitor analytics

Salamat sa Pagbisita

Ang site na ito ay para sa tagalog na tula (poem). Ang mga nilalaman ng Blog na ito ay purong orihinal na gawa ng may akda. Ano mang isyu hinggil sa mga post ay maaaring idulog sa page na ito. Maraming salamat.

Martes, Disyembre 10, 2013

Bente Quatro

Hindi ko hiniling ang iyong pagdating
Subalit 'binigay ang tulad mo sa akin
Hindi ko ninasang ikaw ay mahalin
Subalit dinikta ng aking damdamin

Hindi inasahang ako'y liligaya
Sa piling ng isang tulad mong dalaga
Hindi ko inisip na magmamahal nga
Ang pusong minsan nang dinurog ng sigwa

Hindi ko na alam ang patutunguhan
Ng istorya nating sa prologo pa lang
Hindi nanasaing agad na wakasan
Kwentong tayong dalwa, at walang iwanan

Gusto kong magsulat ng sariling kwento
Na ang tauhan ay ikaw lang at ako
Walang ibang taong sa ati'y manggugulo
Tayo lang dalawa atin lang ang mundo

Sana may tinta pa ang plumang hawak ko
Sana may letra pang ibubuga ito
Sana mayroon pang nalabing espasyo
Pahinang natira sa nagdaang kwento
Mag-post ng isang Komento